Den cuadro di e trabounan cu mester tuma lugar pa prepara pa e proximo Censo cu lo tuma lugar na luna di oktober 2020, Oficina Central di Estadistica (CBS) ta actualisando nan base di dato di adresnan na Aruba desde comienso di Maart 2019.
Despues di 6 siman di trabou e progeso te cu awor ta lo siguiente:
9817 adres residencial a wordo controla
1258 adres residencial nobo a wordo añadi na nos base di dato
968 adres residencial a wordo modifica (por ehempel un vivienda cu despues di tempo a bira ruina, of un cas cu tabata ruina y a wordo renoba y awor a bira un vivienda).
30870 adresnan residencial na Aruba falta pa wordo controla
Nos ta pidi cooperacion di un y tur pa e trabounan cu ta wordo ehecuta door di CBS durante di e lunanan venidero. E actualisacion di e adresnan lo tin un duracion di aproximadamente 4 luna. Si tin cualkier pregunta por tuma contacto cu Oficina Central di Estadistica na telefoon: 524-7433. Tambe por manda un e-mail na: [email protected]
