Nixel Scholten no ta admiti ningun di e acusacionnan di violacion sexual cometi cu su ex-casa y tampoco e ta considera loke el a haci cu su mama un maltrato. E forma cu el a atende cu e pareha di su mama tampoco e ta kere cu tabata un menasa di morto. Mas bien, segun e ta bisa, pa tene cuenta pasobra “mi sa cu e kier probecha di mi mama”.
E violacionnan a tuma luga den e periodo di 2017 pa 2020, ora cu ainda e tabata casa cu su denunciante. Y e maltrato di e mama na 2016. Nan no kier a entrega keho prome pa miedo. Ademas, door cu e ta polis, a pensa cu nada lo wordo haci.
Normalmente, Fiscal a bisa, e lo a pidi cinco aña y mey, pero como cu Reclassering ta bisa cu e mester bay bou di guia, e no por pidi un castigo di mas cu 4 aña. P’esey a pidi 48 luna, di cual 4 luna ta condicional y tres aña di prueba.
Dia 4 di maart awo lo tin sentencia.
