Riba e escenario di Cas di Cultura, fundacion Cas Princesa Aruba ta tene su certamen final pa aña 2022.Despues di un programa extenso y educativo e ultimo 2 lunanan, Cas Princesa Aruba ta orguyoso y ta invita Aruba pa presencia e di 10 edicion di Princess Beauty, Little Beauty y Pre Teen Beauty 2022.
E programa cu tawatin anochi di talento, scavengers hunt na Ayo Rock formations y anochi di regalo y amistad, tawata masha dushi pa e participantenan. E candidatanan di e aña aki den categoria Princess Beauty ta: Carly- Yenne Maduro, R-Angelle Sneek, Adriana de los Santos Lantigua y Leyni Boekhoudt.
Den categoria Little Beauty tin dos candidata: Thaheeli Geerman y Elise Heronimo. Den categoria Pre Teen Beauty tin cuater candidata: Maya Gordon, Mia Mc Collum, Sharily Boekhoudt y Qiana Felomina. E fecha ta diadomingo 6 di november 2022 y e luga ta Cas di Cultura. MC ta Addonsito Croes. Pa tickets por yama 7399449.
Tambe por cumpra entrada na porta.