Gai cora a canta na Burubundo diamars merdia. Bisiña atento a haya holo di huma a bay wak rond bin ripara un cas di palo ta na candela. A bati alarma mesora, bisiñanan a subi tereno kibra tubo di koper pa los e boternan di gas.
No por a haci mucho pa scapa e hogar traha di palo. Vlamnan a bay halto pa ora Brandweer a yega. A logra domina e candela evita e expande na un cas pega na esun di palo. E habitantenan no tabata na Aruba, segun bisiña ta un famia Arubiano cu lo a bay Venezuela pa celebra dianan di fiesta.
