Diahuebs atardi a tuma luga un ceremonia special den Primavera. Ta trata di Organisacion di Pensionado Publico Arubano (OPPA). OPPA a celebra nan di trintitres aña di existencia y den mesun rosea a celebra e inauguracion di nan edificio nobo. Ivo Valdes ta presidente di OPPA y el a conta cu awe ta un dia special pa e organisacion.
Un edificio asina ta nifica hopi pa OPPA, mirando cu pa hopi tempo mester a huur diferente luga p’asina e miembronan por topa cu otro. Cu un edificio propio, lo spaar basta placa, mirando cu no tin necesidad pa huur mas.
E edificio ta yama Cas di OPPA. A nombr’e asina mirando cu e miembronan lo sinti nan mes na cas, semper e edificio lo ta habri p’asina nan miembronan topa cu otro, dal un cop’i koffie hunto. Pa mas informacion, subi TREMPAN.