Recientemente SMAC a sinta na mesa cu Bureau Rampenbestrijding Aruba (BRA) pa trata e topico di carnaval. Pa dos aña carnaval no por a sigui pa motibo di pandemia, pero awo esaki a cambia. Na final di reunion e resultado ta uno positivo, di cual e celebracion mas grandi den cultura di Aruba ta bay door.
BRA a duna luz berde na SMAC pa cuminsa prepara e eventonan carnavalesco hunto cu e paradanan di carnaval. E carnaval lo tuma luga den luna di juli 2022. Di otro banda SMAC ta bay pidi un reunion cu minister di Finansa y Cultura mr. Xiomara Maduro riba e noticia menciona.
SMAC ta pidi tur grupo carnavalesco y musico pa ta pendiente riba e reunion cu lo ta yama pa sinta cu tur pa sigui engrandece Aruba su carnaval. Durante e reunion aki lo kier sa cua te gruponan cu ta dispuesto pa participa den carnaval na juli proximo.
