E ciudadano Carlos Ortega Belesaca a termina deteni despues cu polis a sigui su persona te ora el a yega cas. A detene pa motibo cu n’e rotonde chikito, riba e caminda di Tanki Leendert pa Playa, el a pasa riba esaki na luga di rond.
Carlos Ortega Belesaca, ciudadano preocupa, a splica cu diabierna anochi el a bay busca cuminda den careda di 12:00 am y 1:00 am, y despues el a bay su cas. Na momento cu el a yega su cas y a parkeer su auto, polis a bati na su bentana pa papia cu ne. Nan a papia cu ne y a bis’e cu ne rotonde chikito di Solito, el a pasa riba e rotonde chikito.
Segun Ortega Belesaca, el a mira cu hopi automobilista, incluso polis, ta pasa riba e rotonde chikito. E ta cuestiona e echo cu e polisnan a mir’e y no a stop e di biaha, pero a sigui su persona te na su cas. El a keda puntra nan dicon a stop e na su cas, pero polis no tabata dun’e un contesta. Despues di tanto papia sin haya un contesta, e agentenan a tir’e riba piso y deten’e.
El a purba di opone su aresto, pero a termina riba vloer y a golpia su curpa. El a sigui splica na momento cu e polisnan tabatin e domina, el a rindi y nan a deten’e. Tabata trata di dos polis, un homber y muhe, pero nan a scop su persona na su pia robes. Aparte cu nan a deten’e den parkeerplaats unda e ta biba, polis a kita su rijbewijs. E no sa kico mas pa spera.
E ta haya cu e polisnan a abusa di autoridad, pasobra su persona a rindi y despues cu nan a tir’e riba vloer, no mester a dal e. El a enfatisa cu e no tabata burachi, aunke el a bebe seis cerbes. E ta di pensamento cu polis hopi bes ta haci abuso di autoridad, y kisas ningun persona ta papia.
Pa mas lesa TREMPAN.COM.
