Bucuti & Tara Beach Resort, Aruba, e destinacion romantico sostenibel y clasifica como top, ta anuncia e logro di un score impecabel den su reciente audit di Green Globe. E prome y unico hotel certifica carbon-neutral (Caribbean’s first and only certified carbon-neutral hotel) ta demostra un compromiso firme cu responsabilidad ambiental y social, ganando pa decadanan premio pa su dedicacion na sostenibilidad. E premionan gana ta inclui uno recientemente den conferencia global encuanto cambio di clima di Nacionnan Uni, COP28.
Dunando oido na un suplica global, tumando accion
Green Globe a nace di e Cumbre di Tera 1992 (Earth Summit) clave di Nacionnan Uni, na Rio de Janeiro. Bucuti & Tara rapidamente a bira un miembro ‘charter’como cu Propietario/CEO Ewald Biemans tabata profundamente inspira pa e conferencia cu a mira convenio di 182 pais resultando den un promesa unifica apoyando e Agenda di 21 principio di desaroyo sostenibel.
Tres decada despues, e Standard Internacional pa Turismo Sostenibel di Green Globe ta dedica na industria di biahe y turismo, su comunidad y stakeholdernan. E Standard ta reconoci pa Conseho Global di Turismo Sostenibel (Global Sustainable Tourism Council) y Green Globe ta un miembro afilia di United Nations World Tourism Organization (UNWTO), cu frecuentemente ta haci un yamada na Bucuti & Tara, un miembro Platina di Green Globe, como un ‘faro’ pa su programa di sostenibilidad “altamente reproducibel y expandibel”.
Haci historia cu bista pa futuro
E certificacion di Green Globe ta un programa reconoci mundialmente cu ta evalua prestacion den sostenibilidad di empresa di biahe y turismo. Su acercamento holistico ta honra hende, luga y prosperidad pa tur. Bucuti & Tara su score perfecto di 100% ta refleha nan iniciativanan integral y nan esfuersonan continuo pa minimalisa nan impacto ambiental mientras ta fomenta contribucion social positivo.
Na 2020 Bucuti & Tara a haci historia ganando e prome score perfecto di 100% pa un bishita ‘onsite’ hamas otorga pa Green Globe y a ser nombra “World’s Most Sustainable Hotel/Resort.” Cu e score perfecto aki, Bucuti & Tara ta continua haciendo su posicion mas solido como un lider den turismo sostenibel. E resort a logra e hecho remarcabel aki demostrando excelencia den tur 56 indicador di Sostenibilidad, Patrimonio Social/Economico y Cultural, y Ambiental, manera describi.
Conservando y celebrando su beyesa natural y su patrimonio cultural mientras ta contribui na su comunidad local, Bucuti & Tara a involucra den su plan di sostenibilidad di atende mas di 400 actividad haci na tur nivel di e resort. Ganando e mas reciente score perfecto, logronan notabel den e ultimo aña a inclui:
● Conservacion di naturalesa. Establecimento di Conservacion di Naturalesa (The Bucuti & Tara – GMC Nature Preserve) y e plantamento di 650 mata endemico ta demostra e dedicacion na conservacion ambiental di e resort.
● Bienestar di empleado y prestamo berde. Bucuti & Tara ta provee un aumento substancial na nan empleadonan pa cubri inflacion, sigurando nan bienestar y stabilidad financiero. Ofreciendo sistema solar na hogar di empleado na un tarifa reduci y proveyendo opcionalmente prestamo berde di interes abao pa material manera vehiculo electrico, esaki ta extende e compromiso cu sostenibilidad fuera di e resort mes.
● Expansion di e sistema solar ‘on-grid’.E resort a aumenta capacidad di su sistema solar conecta cu red (‘on-grid’) cu 30kWp y ta trahando activamente den direccion di hiba parti di e edificio di Bucuti operando separa di e red publico.
● Promoviendo transporte pa trabao sostenibel. E instalacion di charger pa Vehiculo Electrico liber pa uza pa empleado tin como obhetivo encurasha transporte pa trabao sostenibel y reduci e costo general di bida pa empleado.
● Mehoracion di eficiencia. Bucuti & Tara a mehora medida pa uzo di electricidad y awa, logrando conocemento valioso pa mehora eficiencia. A instala 12 aparato solar di awa cayente, bahando uzo di gas cu 50 pa 60%. Pa despues elimina e uzo di gas cu a keda, a instala dos aparato di awa cayente a base di ‘heat pump’ reemplasando aparato di awa cayente standard a base di propano. E solucion innovativo aki ta unico pa Bucuti & Tara na e isla. Compara cu aparato di awa cayente electrico, e ‘heat pump water heating system’ ta cuatro o cinco biaha mas eficiente.
● Terminacion gradual (phase-out) di combustibel fosil. A tuma paso significante pa termina gradualmente uzo di combustibel fosil, incluyendo elimina combustibel fosil den 60% di e cambernan di e resort, reemplasando luz di parking lot cu luz LED solar, y logrando recertificacion pa LEED y Travelife.
Cu bista riba 2024, Bucuti & Tara ta sigui en busca continua buscando logro di nan meta di ‘Net Zero’ cu mas iniciativa na caminda caba:
● Bira Net Zero den Scope 1 y 2. E resort ta den finalisa den forma gradual cu uzo di combustibel fosil den e resto di areanan di e resort, incluyendo facilidad di restaurant y laundry.
● Expansion separa di red. Kita parti di e edificio di Bucuti completamente di red publico cu sistema solar y di bateria.
“Nos ta sinti nos sumamente honra ricibiendo otro score perfecto di Green Globe reflehando nos compromiso firme na turismo sostenibel y responsabel. Bucuti & Tara Beach Resort su logronan durante ultimo aña y nos plannan ambicioso pa 2024 ta subraya nos dedicacion pa haci un impacto positivo riba tanto comunidad local como medio ambiente,” Ewald Biemans, Owner/CEO of Bucuti & Tara Beach Resort, ta bisa.
Haya sa mas bishitando Bucuti.com
Tocante Bucuti & Tara Beach Resort
Declara e prome hotel CarbonNeutral® den Caribe na augustus 2018, Bucuti & Tara Beach Resort Hotel No. 1 Hotel den Caribe y No. 18 den Hotel Mundialmente, segun Tripadvisor. Aruba su ‘adults-only boutique resort’ principal ta lidera pa e hotelero y ambientalista honra Ewald Biemans, nombra pa Caribbean Journal como e ‘2017 Caribbean Hotelier of the Year’. E resort ta situa riba e santo blanco inmacula di Eagle Beach, hogar di turtuga marino y nombra “One of the Dream Beaches of the World.”
Hogar di e Experiencia Vacacional Mas Sigur y Mas Saludabel di Caribe, y di e cello di Aruba su Codigo di Salud y Felicidad (Health & Happiness Code seal), Bucuti tin 104 guestroom, suite y penthouse bon ocupa. E ta ofrece sunbed y sombra pa cada huesped; ‘infinity pool’ di awa fresco; spa; WiFi; y iPad como gesto pa uzo durante estadia. Por disfruta cena na oriya di lama na e restaurant ganado di premio Elements, Tara Lounge y tambe ta sirbi cena priva riba beach. Reserva exclusivamente pa huesped y nan amigonan, SandBar den aire liber ta ofrece cocktails di prome categoria y musica bibo diariamente hunto cu e prome ‘Healthy Hour’ di Caribe. E resort ta IGLTA y TAG Approved® como un ‘LGBTQ-friendly’ hotel. Bucuti & Tara, un lider mundial di turismo sostenibel, tin certificacion ‘eco’ di CarbonNeutral®, LEED Gold, Green Globe Platinum Travelife Gold y ta nombra e Hotel/Resort Mas Sostenibel di Mundo na 2016 pa Green Globe. Na 2023, e resort a bira e miembro mas recien di Regenerative Travel.
