Pa loke ta departamento psikiatrico di mucha y hoben, e ta un departamento basta nobo na SPD. Nan a cuminsa na september 2019.
Dalgys Montalvo, trahado social na Sociaal Psychiatrische Dienst (SPD), a bisa cu entre september y december 2019, SPD a ricibi un total di 33 caso nobo e tempo ey. Pa 2020 nan a cera un total di 296 caso di muchanan cu tabata un of otro problema na scol of na cas. Mayoria melding ta bin di trahado social na scol mes, dus via nan e casonan ta drenta cerca nan. Pa loke ta 2021, SPD a ricibi un total di 143 caso cu a drenta. Esaki ta e cifranan te cu juli.
Ora cu SPD haya informacion di un persona (hoben) cu a purba di comete suicidio, nan ta tene diferente combersacion cu e hoben of mucha. Despues di esaki, e caso ta yega caminda cu e mucha ya caba ta autolesiona su mes of tin e pensamento aki. tambe tin diferente afspraak di siguridad cu e mucha.
Na Aruba falta hopi pa haci ainda riba tereno di prevencion. Mester cuminsa for di trempan, no warda te na un scol secundario. Cuminsa for di kleuterschool. Tambe duna e docentenan tool pa nan por reconoce cierto comportacion di un mucha for di kleuter caba, cu por aborda e caso ey
Trauma por conduci na suicidio. Mayoria di e traumanan ta cuminsa na cas. Hopi biaha e muchanan ta victima di abuso sexual y emocional. Nan ta victima di bullying, cual ta crea un sentido di inferioridad rib’e muchanan, cu a lo largo por trece pensamento suicidia cerca e mucha of hoben.
Tin tendencia di cu su busca yudansa, di biaha ta bay riba pildo. Ta purba mas tanto pa papia cu e persona, cu e por expresa su mes, ya caba ta un alivio p’e. Asina ta cuminsa pa wak con por yuda sin cu mester yega na bay over na medicamento.
E cifranan cu a ricibi tratamento di SPD, na 2018 tabata tin 273 persona cerca nan, na 2019 a bay na 296 y na 2020 tabata tin un total di 296 trata via SPD. Y te cu juli 2021 tin un total di 332. Por mira cu e cifranan tin tendencia di aumenta.
Cerca mucha e pensamento suicida ta bin mas pa dilanti… mirando cu pa nan esaki ta e salida mas facil.
Pa un relato mas amplio abona riba TREMPAN
