Diamars merdia pa 12:20 pm, un habitante di Rooiweg a bati alarma pa un candela intencional cu por poco a alcansa su cas. Segun por a compronde, e habitante aki tabata bezig ta haci su cura limpi, ora cu algun obheto a acumula den su cura di cas parti patras.
E bisiña aparentemente no a gusta e cuenta mucho y a bay cende algun mata, zink y palo patras di e cas na candela. Doño di cas mes no tabata t’ey na momento di e suceso.
Sinembargo, na caminda pa cas el a topa cu un truck di brandweer bayendo direccion su cas cu un velocidad halto, esaki debi cu e candela tabata acercando un botr’i gas. Na final, polis a papia cu e bisiña pa splica cu loke eel a haci no por. Mientrastanto cuerpo di bombero a paga e candela patras di e cas.
