Poco prome cu 4:00 PM por a mira huma preto ta bay laira den airea di Pos Chikito / Sabana Basora. A resulta cu tabata trata di un candela na Sabana Basora.
Na yegada di tanto Polis como Brandweer a constata cu ta trata di e cas cu e adres Sabana Basora 11Y. Ta trata di e casnan di FCCA. Na e sitio por a compronde cu e candela a cuminsa den e mondi, of yerba seco patras di e cas. Asina cu a haya holo, mesora a bati alarma.
Mientras cu tabata trata di scapa, a core move dos auto for di e cura y e di tres a kima por completo. Bomberonan a lucha pero e cas, su parti paden a kima hopi lihe, solamente por a bisa pa e hendenan keda pafo. Segun por a compronde na e cas ta biba un famia di seis persona. Keda pendiente pa mas informacion.
