Den careda di 11:30 am gay cora a canta den compleho di apartamento na Tomatenstraat 4, aya na Dakota. E deposito banda di un apartamento a pega na candela. Di biaha a mobilisa tanto unidad di policial como di brandweer p’e sitio.
Polis a presenta n’e sitio y di biaha a cuminsa pidi esunnan den cercania pa mantene nan mes leu dje candela. A cera e crusada di Tomatenstraat hunto cu Druivenstraat y Anasastraat pa asina mantene tur persona safe. E bomberonan cu a yega n’e sitio di biaha a cuminsa combati e candela te domina esaki.
E habitantenan a mira huma y di biaha a cuminsa avisa di esaki. Na sitio e bomberonan a saca boter di gas grandi, pero e articulonan den e deposito banda dje apartamento #6 a kima. Motibo di e candela ainda no ta conoci. Personal di Elmar tambe a presenta pa controla e coriente.
