Dialuna marduga pa mas o menos 4:30 am, a bati alarma pa un candela den Prinsenstraat. Segun a bin compronde na sitio, un desconoci lo a cende e candela aki.
No tin conocemento na unda precisamente esaki a inicia. Mesora, a mobilisa cuerpo di bombero y patruya policial pa asisti den esaki. Nan a presenta inmediatamente y a cuminsa traha pa purba controla y combati e candela. Na final, cuerpo di bombero a logra paga esaki por completo. Mientrastanto, autoridad lo sigui busca e anti-social cu a start e candela aki.
