Despues di a delibera y reaccion cu Fundacion Anti Droga Aruba (F.A.D.A.) a haya desde augustus, e Red Ribbon Week 2020 ta cla pa cuminsa. Desde algun siman riba e Facebook di FADA a pone lema di campaña, poster di Red Ribbon Week.
A manda scolnan un carta di invitacion pa forma parti di e campaña aki. Rulienne Arends, trahado preventivo di F.A.D.A, a bisa door cu e dianan aki ta hopi popular nan a pensa kico pa bin cu ne y a bin cu algo. E lema ta “Be happy, be brave, be drug free!”, cual ta un lema cu a gana na Merca y mundialmente Red Ribbon Week lo uz’e.
En conexion cu Red Ribbon Week, F.A.D.A. ta organisa pa di 8 aña consecutivo Siman di bisti na locura. Esaki lo cuminsa dia 26 te 30 di october. Pa participa na e campaña tin di saca potret sea individual of di klas y pone riba e website di F.A.D.A., www.fada.aw. Aki tin un poster di “Be happy, be brave, be drug free!” y click riba dje pa yena tur informacion. Tambe riba e pagina di Facebook di F.A.D.A. lo tin un video cu splicacion con pa yena e participacion.
