Colegio San Hose ta den aña di celebracion. Nan ta celebra e aña aki e di 80 aña di existencia di e scol. Comash, cu ta Comishon di Mayor, hunto cu Colegio San Hose ta organisa un 5K Fun Run Walk.
Esaki lo tuma luga diasabra, dia 29 Februari 2020. E caminata lo cuminsa y caba na Sport Boys. Registracion ta cuminsa 4.30 pm y e ta sali cana 5.30 pm.
Meta di e caminata e aña aki ta pa recauda fondo pa tin fondo pa haci actividad social pa e muchanan y tambe e ta un actividad cu ta parti di e celebracion di 80 aña. Tambe afl 1 di cada ticket cu bende ta bay pa sostene Cacique Macuarima School.
Ticket ta solamente afl 5 y ta obtenibel cerca tur mayor di e alumnonan na e scol y tambe cerca tur docente. Danki na e comerciantenan cu semper ta cla pa yuda e scol, e aña aki ta bay tin tremendo premio pa rifa na final di e caminata. Entre otro Cellphone, Breakfast pa dos persona, Bon di gasoline, Gift Bon, Tickets pa Palm Island, Palm Pleasure, Stress Test, Bon di Supermarket. Mester remarca cu mester pasa registra bo ticket dia 29 di februari na Sportboys pa por ta den e tombola pa tin chens pa gana.
E organisadonan kier gradici di curason tur comerciante cu a yuda cu premio, Danki na Setar, Hilton Aruba Caribbean Resort, Wayaca Service Station, Trash by Ronchi, De Palm Tours, Aruba Marriott Resort, Quality Chiropractic Clinic, Don Pastechi, Superfood.
Pueblo di Aruba cumpra bo ticket pa solamente afl 5 y aporta na e scol y muchanan.
