Alegria, amor, e felicidad ta algo cu nunca ta falta pa ora di celebra un haciment’i aña, specialmente momento c’un persona yega 90 aña di bida. Famia y amistad di Calista “Lie” Simon a bini hunto pa celebra su aña.
Calista Simon ta gradici na Dios cu e por a yega 90 aña. E ta gradici cu tur su hendenan por a compañ’e riba e dia special aki.
Un di e yiunan a bisa cu e momento aki tabata uno bunita pa Calista y tambe a pidi pa Dios dun’e hopi salud pa nan sigui bay dilanti. Un sobrina tambe a hiba palabra durante e fiesta y a expresa con hopi nan ta stima Calista.
Un otro sobrino tambe a hiba palabra den nomber di e rumannan Koolman y a expresa con hopi nan ta stim’e y ta pidi Dios cu nan por pasa un otro cumpleaños cu ne.
Durante e fiesta, e palabranan di felicitacion, di ta feliz di por a celebra otro cumpleaños cu Calista tabata resona. Un nieta tambe a gradici Calista pa ta eynan cu nan. Nan tur ta spera di por celebra mas cumpleaños mas cu Calista.
