Sharin Luydens hefe di Censo a splica cu loke tin cu bay haci ta sigui e reglanan di ley. Prepara tur loke tin mester pa eleccion. Awor aki ta bay manda imprimi e stembiljetnan. Ta papia di mas cu 73 mil stembiljet cu ta bay wordo imprimi pa e ora eynan controla tur esakinan. Ta habri cada stembiljet, un pa un, controla si e imprenta a imprimi’e bon, prome cu votamento. Tur ta wordo habri, tur 70 pico mil stembiljet ta bay wordo habri. Tin spare tambe. Ley ta perscribi cu tin cu haya 2% extra di e cantidad cu lo vota na cada urna. Bo ta pone si ta 1100, bo ta pone 22 stembiljet pa cada urna. Si bo bay na un urna y ta haya stembiljet for di e voorzitter, ta bay den e hoki y ta haci fout, mag di bay cerca e presidente di e urna y por indica e fout. E ora por haya un stembiljet. Pero esaki ta un biaha so. Esun cu bo ta duna bek, ta pone un stempel di onbruikbaar y e ta keda cera. Ta haya un nobo, ta bay bek den e stemhok y ta vota. Pero no mag di haci fout. Pa despues pone den e buzon.
Cuanto dia
Tur cos ta depende ki dia e imprenta keda cla cu e stembiljetnan. Por dura un siman y mey pa controla. Despues di oranan di trabao, te anochi laat, habriendo e stembiljetnan pa controla pa empaketa tur cos, sigura nan. Tur cos ta bay verzegeld, pa wak si tur e materialnan di e urna, papiando di proces verbaal, kiesverordening, leidraad, potlood, cuminda. Tur detaye, turflijsten. Tin tambe e stembiljet opneming. Tur cos ta wordo geturf per lijst. Ora cu nan bay habri e buzon y bay cuminsa conta, cada stembiljet cu habri, ta keda turf pa conta cada voto un candidato tin. Ta un preparacion masha grandi mes.
Basta druk
A manda diferente peticion pa oferta y den esey ta awor aki ainda. A manda pidi diferente oferta na diferente compania y no a dicidi ainda. Ta wardando contesta di nan. Tin a manda bisa cu no por cumpli cun’e, pasobra tin cierto rekisitonan cu tin cu cumpli cun’e. Awor aki ta den e proceso di warda e contesta di ken echt ta bisa cu e por haci’e, dentro di e margennan cu Censo ta duna cu mester di haci’e. Manera cu haya tur oferta aden, lo tin cu dicidi mas pronto posibel.
