Diamars mainta trempan den careda di 10:40 Polisnan mester a bay pa tuma nota di un caso unda un ciudadano a perde un gay di hopi balor.
Polis a presenta na un cas na “Kudawecha” , unda cu doño di cas a lanta mainta trempan pa bay wak su bestianan esta su gaynan di pelea. Aki el a bin descubri cu cachonan den e bario a habri e porta di e haula y saca un gay y lague despluma den e haula. Segun e doño di e cas, e gay aki tin un balor di $500 debi cu e ta un gay di pelea.
E doño tabata basta rabia pasobra cacho di e bario a mata su gay. Polis a tuma dato di e sucedido.
