Awe mainta Polis a bay atende un caso dilanti e cas Bushiri # 2. Ey cacho a sali for di cura di e cas y morde un peaton na su pia. Polis a constata cu e pia di carson di e peaton tabata kibra y cu berdad e tabatin un mordi di cacho.
E victima a conta Polis cu e tabata canando y diripente e cacho a atake riba caya. E cacho a morde na su pia drechi. A perfora e pia cu e djentenan y causa tambe algun rasca. Ademas e cacho a kibra e carson di e homber.
Algun persona eybanda trahando riba un auto a sali mesora na defensa di e peaton. A gara e cacho y hinke den cura di e cas. Polis a trata na haya atencion di e habitante di e cas, pero sin resultado. Djey Polis mester a bay pura un otro asistencia y a keda di regresa. A conseha e peaton pa bay Hospital pa e haya hangua pa e no bira malo di e mordi.
