E situacion sigur ta alarmante y desagradabel. Julio Dirksz ta un criado di bestia na Kadushi Largo cu a haya un sorpresa masha espantoso riba su tereno. E ta conta cu diamars mainta nan a lanta cu situacion cu no ta bon.
Su primo a lanta diamars mainta y haya cacho den e cura, haciendo desaster cu e bestianan. Manera cu ta pensa, ta cacho di bario mes ta haci esaki. Nan lo a drenta y abusa di e pober bestianan.
Dirksz a comenta cu anochi awa a cay. Su tanta y su primonan a sinti cacho, aunke nan no a sali door di e yobida, a pesar cu nan cacho a ladra. Despues cu awa a pasa, ora a bin pa saca e bestianan, a topa cu e situacion. Tabatin si algun cacho ta core den e cura. A core cu nan cu piedra y despues nan a bula cura.
Dirksz a comenta cu no sa di ken e cachonan aki ta pero lo bay find out ta ken. Ta hopi tempo nan ta dedica na bestia, cumpra cuminda. Ta inverti hopi placa den nan pa cualkier cacho di bario cu no ta mara of cera den cura, ta bin y ta haci e desaster den cura di otro hende.
Ta trata aki di mas of menos 7 pa 8 cabrito cu a muri y sigur 4 cu nan a morde y ta spera cu por scapa nan. Dirksz tin por lo menos 20 cabrito den su cura y ta pa basta tempo nan tin ta criando bestia. Su tanta ta cria cabrito, cual e ta dedica na dje. Ta algo cu a lanta cu ne den famia.
Pa mas detaye lesa TREMPAN.
