Ya ta algun siman caba cu Garage Cordia Aruba a ricibi e prome lote di e modelonan nobo di Toyota C-HR, cu entretanto ta den showroom caba. Awor cu ta den e normal nobo a cuminsa test drive e vehiculo nobo aki, naturalmente cumpliendo cu tur e normanan di siguridad prome.
E auto aki tin su smart entry y un smart start, pues simplemente mester primi brake, primi power button y e auto ta start. E auto aki, segun Jacobo Winterdal, Sales Supervisor na Garage Cordia, esaki ta prome biaha cu Garage Cordia ta haya e modelo nobo aki na Aruba, como tal nan ta hopi orguyoso di esaki, specialmente pasobra e auto ta un modelo hybrid.
Tur cos bo por haci via bo stuurwiel y tambe bo por haci via e screen cu ta riba e dashboard. Tur e C-HR ta bin full ekipa cu su sientanan di cuero. Den e version upgraded, esta e luxury, e ta bin tambe cu su intelligent park assist. E mes ta reverse para den e vak cu bo kier para. Den e park, ora ta bay duna e señal cu kier lora, e mes ta bay para den e vak cu tin disponibel.
Joylene de Nobrega di e departamento di mercadeo di Garage Cordia Aruba ta invita henter comunidad, tur cu ta buscando un SUV un poco mas chikito cu e RAV4, pa pasa bishita nan libremente pa test e modelo di mas nobo den e famia di Toyota na Aruba. Ta corda clientenan cu Toyota ta e auto mas bendi na mundo.
Y awendia, mas cu djis cumpra un auto nobo, Bo mester por confia den un agencia cu tin piesa y mecaniconan capacita pa cuida Bo auto pa Bo y drech’e si ta necesario. Pa mas informacion di e modelo nobo aki di Totyota, por bishita un di e representantenan di benta na Garage Cordia of subi e website www.toyotaaruba.com.
