Recientemente Burger King Aruba a yega e punto di mas halto di e edificio mas nobo cu lo bin na Oranjestad. Esaki tawata un momento sumamente positivo y orguyoso pa henter e ekipo di Burger King Aruba.
Cu e edificio aki, Burger King Aruba lo tin e diseño mas nobo di e famia di Burger King. Tawata importatne pa incorpora aspectonan cu ta resalta e area Caribense y tambe e ambiente cu Burger King Aruba kier pa su clientenan sinti. E color nan cu a escoge ta mas bright y usando texturanan cu ta haci e ambiente mas caluroso. Nos a pone enfasis riba e sentimento di e cliente, pa asina nan drenta, nan por sinti nan mes bon y cu nan a bin disfruta di e miho Whopper y mas variedad di menu cu nos ta ofrece.
Ademas di e edificio aki cu pronto lo wordo inaugura, Burger King a bin cu un otro cambio positivo pa e pueblo di Aruba.
Desde comienso di luna, Burger King awor ta habri desde 7or di Mainta. A cuminsa cu Drive-Thru, y awor cu Dine-In tambe ta habri, nos cliente nan por disfruta siguramente na tur 3 localidad di nan desayuno ya for di 7or di Mainta.
Nos kier a invita pueblo di Aruba pa sigi nos riba e rednan social di Facebook y Instagram pa asina haya mas informacion tambe di tur e special nan cu nos lo bin cu ne, en especial pa e weekend benidero di Dia di Tata.
