Durante e periodo di vakantie grandi Bureau MFA ta presenta Nochi di Pelicula pa henter famia. Esaki ta un evento gratis pa nos muchanan di bario y becindario. Bin cu famia y amigonan y disfruta di e peliculanan Coco, Ferdinand y Nut Job 2.
E peliculanan lo wordo pasa riba diamars na MFA Paradera, riba diaranson na MFA Noord y riba diahuebs na MFA Savaneta:
| MFA Paradera | MFA Noord | MFA Savaneta | |
| Coco | 10 di juli | 11 di juli | 12 di juli |
| Ferdinand | 17 di juli | 18 di juli | 19 di juli |
| Nut Job 2 | 24 di juli | 25 di juli | 26 di juli |
Bureau MFA kier a extende un invitacion cordial na pueblo di Aruba pa bin disfruta di e peliculanan aki. Orario ta di 7.00 pm – 9.00 pm. Pa mas informacion yama MFA Noord na 281-0001, MFA Paradera na 281-0005 of MFA Savaneta na 281-0010.
Mision di Bureau MFA ta pa ofrece diferente servicio sea publico of priva mas efectivo y mas serca di cas y tambe promove y facilita e participacion y interaccion social y cultural di e ciudadanonan den comunidad sea cu actividadnan educativo, recreativo y social/cultural pa tur edad.
