Desde cu economia di Aruba a wordo afecta p’e Coronavirus, Brouwerij Nacional Balashi a duna bek na comunidad. E biaha aki Brouwerij Nacional Balashi a uni cu cunukeronan y criadonan di bestia durante e periodo aki. A acerca cunukeronan y criadonan di bestia pa mira con por yuda nan den e momentonan dificil cu nan ta pasando aden.
E situacion actual no solamente a afecta Aruba su economia, pero tambe cunukeronan y bestianan, asina Eli Pourier, On-Trade Ambassador di Balashi, a bisa. Brouwerij Nacional Balashi ta sumamente contento y orguyoso di por duna bek, na e comunidad cu a sufri, cu ta e comunidad cu ta envolvi den cria y pesca, siguramente e sector primario. Nan a trece p’e cuidadonan di bestia e “Spent grain”, asina Rowald Werleman, Key Account Developer – Balashi Brewery, a bisa.
Spent gray ta un producto cu ta bin despues di a haci uzo di e barley, cual ta e ingrediente primario pa traha cerbesnan local, tanto Balashi, Chill y Magic Mango. Brouwerij Nacional Balashi ta gradici e personanan aki pa nan cooperacion. Cunukeronan ta duna cabrito, carne, baca, porco y galiña Spent grain pa come, pero por haci hopi mas cu esaki. Cunukeronan y criadonan di bestia ta sumamente agradecido cu e ayudo ricibi di Brouwerij Nacional Balashi.
