Den oranan di merdia, polis, ambulance, brandweer y parkrangernan di Parke Nacional Arikok a bay cu urgencia pabao di Conchi, unda cu a haya un curpa ta drief.
Mirando cu tabata dificil pa por a saca e persona fo’i awa, a pidi asistencia di Wardacosta pa duna un man den e caso aki. Lamentablemente, una bes na tera, no por a haci nada mas pa e persona. Dr. Texier a constata morto di e turista Mericano Neftaly Torres di 42 aña pa 3:55 pm. Tambe tabatey presente departamento di recherche y slachtofferhulp pa brinda sosten na famianan di e fayecido.
