E ta un tradicion di e pueblo aki. Riba 24 di juni ta celebera Dia di Dera Gay San Juan. Como custumber, e pueblo ta cende candela rond di cas of hunto den bario.
Ta probecha e momento pa kima tur sushi cu tin den bisendario. Como resultado, esunnan cu tin cu actua ora e candela bay for di man, ta brandweer. Durante henter dia, e bomberonan ta ocupa cu pagamento di candela.
Ta e dia mas druk di aña pa e bombero. A activa tur nan unidadnan riba caya. Tabata necesario pa mas cu un ocasion pa hasta “refill” e trucknan.
For di Noord, Playa, Sta Cruz, Piedra Plat, Savaneta y San Nicolas; por a mira un truck di brandweer. Entre nan hasta a haya menasa y intento di agresion. No ta tur ciudadano tabata contento cu brandweer ta paga candela. Pero na final di dia, ta hacie pa siguridad di cada un di nos.
