Ayera nochi un tankero cu e nomber President cu a sali for di Venezuela rumbo Santo Domingo den oranan di mainta a laga parti di su carga petro kimico basha den lama na e parti west di Corsou. Esaki a sosode despues cu el a confronta problema cu navegacion. E capitan a informa Coordinatie Center di Kustwacht na Corsou y a raporta cu e derame tabata na position 12°23.08 N – 069°14.80 W.
E oilspill aki awor probablemente ta drif direccion pa Aruba. Awe wardacosta a bay den e area pa un vuelo di assessment y a informa Bureau Rampenbestrijding y Havenmeester di e situacion.
A monitoria e coriente di lama pa calcula e posibel area di impacto, pero no tabatin indicacion cu e lo afecta e costanan di Aruba conforme modelonan di computer.
Te awe tardi 4:00 pm tabata falta informacion di e tipo di producto y cantidad di bari cu e barco President a dump na e parti west di Corsou.
Mañan 19 maart 2021, lo bolbe scout e lama den e area noord di Aruba. Diferente departamento di gobierno y instancianan na tera lo monitor e costa noord di Aruba den e siguiente dianan.
