Dialuna anochi Polis a atende un asistencia na Sabana Liber pa un homber cu tabata maltratando su casa. E yiu a yama Polis na telefon pa pidi asistencia urgentemente. Na yegada Polis a topa cu un homber patapata burachi cu tabata terorisando henter famia na cas. Polis a detene mesora.
Na cas el a rebeldia cu famia, pero cu presencia di Polis e no por a ni cana drechi mas y mester a carg’e hink’e den Dogcather. Polis a calma e famia cu tabata den un susto pasobra e tata no tabata demostra ni respet pio un ehempel pa su yiunan den cas.
A avisa e señora pa e pasa Warda di Polis pa entrega un keho di maltrato. E defensornan di ley a splica e señora, cu tabata tur tristo pa e comportacion di su casa dilanti nan yiunan, cu e unico forma pa e stop, ta dor di keh’e y p’e sa cu tin consecuencia pa su actonan di violencia. Tanten cu ta sigui acepta abuso, maltrato fisico y emocional, e lo no stop nunca.
Pa awe nochi e homber lo pasa den un cel na Warda di Polis pa e reflexiona riba su comportacion den cas. Lamentablemente tur esaki ta sosode na vispera di fin di aña ora cu den casnan mester reina paz y amor.
