Diahuebs 2:30 pm a notifica autoridadnan di un boto cu a pega riba e rif dilanti refineria CITGO na San Nicolas. Esunnan den lama na Rodgers Beach a nota e sucedido y como tal a yama polis mesora.
Na yegada di polis, no por a haci mucho y a pidi pa instancianan maritimo por duna un man. Polis a pidi pa saca e ekipo di polisnan maritimo y tambe wardacosta. Durante un patruya, e boto di wardacosta a topa cu dos hende homber cu tabata riba e boto, landando pa tera. A duna ambos un lift pa canto. Nan a splica cu door di un descuido nan a pega riba e rif, cu consecuencia cu e boto a daña.
