Diahuebs atardi pa 5:30 pm a sosode un accidente na altura di Marisol Building, riba L.G. Smith Boulevard, na Playa. Un auto marca Toyota modelo Yaris color shinishi maneha pa un señora a bay haci un U-turn na su man robes.
E no a tene cuenta cu trafico contrario, cu consecuencia cu el a dal den un brommer cu tabata biniendo di otro banda. Ambos ocupante di e brommer, esta un hende homber y un hende muhe a resulta herida door di e impacto.
Nan a cay for di e motorcycle y a herida nan mes riba caminda. Ambulance a presenta na e sitio pa por a brinda asistencia medico na ambos herido.
