Jullian Jones, conoci como Juni, tabata un bombero pa 45 aña, pero el a hiba un lucha largo cu su salud, despues di varios complicacion. El a gana varios bataya den e proceso, pero despues a perde guera cu 69 aña di edad.
E tabata bombero for di aña 1976, pues desde 45 aña pasa a drenta servicio di Dienst Brandweer Aruba. El a sa di guia varios di e bomberonan hoben cu nos isla conoce awendia.
E tabata un bombero ehemplar y ta semper cla pa yuda.A titulo personal, e tabata casa cu un juffrouw di scol pero cu a fayece caba. Alabes e ta tata di dos yiu muhe, Jillian y Jullisa. Jillian ta dokter di cas. E ta omo di e pelotero Andrew Jones di Corsou. Na aña 2011 Juni Jones a baha cu pensioen.
Diasabra den oranan di merdia, a tuma luga e entiero di Juni Jones. E famia a hiba Jones na post di Brandweer na San Nicolas caminda cu Juni a despedi di su ex coleganan di bombero.
Aki den nomber di tur empleado di Brandweer, tur cu tabata presente a bis’e ayo y a pone krans riba su caha.
Na un forma unico den presencia di su famia,y demas conosirnan a hibanan ultimo palabra hunto den presencia di Sr Andrew Hoo, kende ta atende cu cuerpo di bomber. Despues bomberonan mes a carga e caha y hinc’e den cherche p’asina hiba e defunto Pray Funeral Home. Aki tur hende por a bis’e ayo y pa hib’e na su ultimo luga di sosiego.
