Diabierna atardi alrededor di 4:45 pm a sosode un accidente n’e t-kruising pabou di Yami Yami na Bubali. Ta entre un pickup marca Nissan modelo Frontier color shinishi numera A-35529 y un Nissan Skyline numera A-1701. Un persona a resulta herida, di cual mesora a transport’e pa hospital pa ricibi atencion medico avansa, no a warda pa ambulance yega.
Polis a cera caminda p’asina atende libremente cu e accidente aki. Polis di trafico a presenta p’asina documenta e accidente aki. Daño material tabata basta, tanto na e pickup como na e Skyline.
