Un rato pasa alrededor di 3:50 pm a sosode un accidente fuerte na e T-kruising cu ta bay di Pos Abou pa Hato.
Aki ta caminda cu dos auto, un di marca Honda, modelo Fit numera A-14511 y e otro ta un Nissan March numera A-77864. Con e accidente a tuma luga exactamente, no ta conoci ainda. Tres pa cuater persona a resulta herida. Un total di tres unidad di ambulance a presenta pa brinda asistencia tanto na esunnan cu a resulta herida di e March y tambe e Honda Fit. Varios unidad di polis a presenta na sitio tanto pa cera caminda y pa atende cu e accidente.
Specialista di trafico tambe a presenta pa documenta e accidente. Presencia di brandweer y nan materiaalwagen tabata necesario mirando cu e Honda a cay den greppel y e chauffeur a keda pega den auto.
Un rescate grandi a tuma luga pa corta e auto y pa saca e chauffeur femenino for di e auto. Trudy Hassell, comisario di polis y alabes hefe di polisnan uniforma tambe tabata presente na sitio. Tin di aplaudi e forma con cooperacion a bay entre polis, brandweer y ambulance.