Rib’e caminda di Buena Vista pa aeropuerto a sosode un accidente fuerte. E accidente aki a pasa den careda di 10:30 pm. Un auto marca Hyundai Accent color blauw numera A-62920 a dal contra e cura di Hyatt Place.
Tur cos ta mustra cu e chauffeur a perde control y bay dal contra e pilar di e cura di Hyatt. Un solo auto tabata envolvi den e accidente aki. Te unda cu ta conoci, tabatin dos persona den e auto, un hende homber y un hende muhe. E impacto tabata den banda di e chauffeur, e sla tabata basta. E auto a keda completamente destrui.
Ambulance a presenta p’asina brinda atencion medico na e victimanan. Despues di e check nan, a transporta e victimanan pa hospital. Polis di trafico tambe a presenta pa registra e accidente fuerte aki.
Danki Dios e personanan den e auto tabata reacciona, mirando e impacto, e accidente por tabata mucho mas pio. Materialenwagen di brandweer tambe a presenta na sitio, pero no tabata necesario pa corta e auto, mirando cu tanto e chauffeur como e victima a logra sali for di e auto.
