Den weekend di 9 pa 11 di december 2022 lo tuma luga e Invitational Siegfried Francisco na hermana Isla Corsou.
Team Aruba Dolphins tabatin un aña sumamente exitoso den 2022, caminda nan a titula campeon di Stingray Challenge, di e Campeonato Arubano y tambe di e Aruba Dolphins Invitational y tambe nan a keda nan si 5 luga na e di 39 Invitational di NACO na Santo Domingo.
Un delegacion consistiendo di un total di 20 atleta di tur categoria di edad lo participa na Siegried Francisco Invitational. E atleta nan aki a train masha duro mes pa asina yega na meta y representa Aruba Dolphins na Corsou. E atletanan lo ta compaña pa coach Luz Rodriguez y coach Francisco Goedgedrag.
E siguiente atletanan lo participa na Siegfried Francisco 2022:
Amelia Ras, Teriq Vrolijk, Lawrence Hernandez, Rosina Blom, Lincoln Jones, Jereau Celaire, Ilian Rojas Lopez, Victor Vroegop, Maria Koolman, Elizabeth Koolman, Aliyah Estrada Kaythlin Thiel, Leah-Paris Kock, Nana Martina, Liv Farro, Arvid Farro, Zayron Werleman, Jayla Stuut, Noa Stuut y Eli Dirksz.
Directiva di Aruba Dolphins, ful e team di Aruba Dolphins y henter e famia Curason Blauw ta desea e atletanan aki tur clase di exito na Corsou!
