Tin Bingo tur diabierna, pa 8’or di anochi, en punto. Pero otro siman diabierna, dia 27 di October, lo bay tin un bingo special. E bingo special aki tin varios motibo.
Un di e motibonan ta, cu e ta un bingo grandi. Hopi premio den dje, mas cu 26 mil florin na premio. Esaki ta primordialmente pa por recauda mas fondo pa por cover locual cu a perde durante aña, pa por bira mas solido y tambe dia 27 di October, ta exactamente 30 aña cu Frank Solognier a drenta den e mundo di bingo. E tabata dia 27 di October, 1987 riba un diamars anochi na Golden Tulip, caminda cu e manager a yega, el a bis’e cu lamentablemente e no por canta bingo pasobra su stem a bay y Solognier ta e assistant manager y e mester a haci’e.
El a bay asina leu, cu el a haci trabaonan no na Aruba so, pero tambe na Corsou, Boneiro, St. Croix, Suriname, a setup casino na Margarita, na Colombia, El Salvador, Mexico, Guatemala. Den 30 aña el a crece bira hopi grandi den Sur America.
Pa otro siman, como un regalo di su parti, lo bay tin Boy Thode, kende lo bay duna un live show den Club Caiquetio durante di e bingo. Esey ta un gratitud di parti di Solognier pa tur e personanan cu 30 aña a sosten’e tambe cu e por a yega asina leu. E ta bay ta un evento hopi bunita. A compronde tambe via via cu ta bay tin un extra sorpresa e dia anochi aki. E mes ta purba pa haya sa, pero ningun hende no kier bis’e kico e ta. Boy Thode ta sigur. Solognier a papia cun’e recientemente Las Vegas y e tambe ta hopi emociona. E ta hopi contento cu e por bin y participa den e proyecto. Otro siman automaticamente bo ticket di bingo ta bo entrada pa wak Boy Thode live riba stage di Club Caiquetio.
Dedicacion
Normalmente nan no ta haci anuncio na ken ta haci e donacion. Nan ta hacie riba stage dilanti publico, pasobra nan ta aporta. Pero e biaha aki si ta anuncie, pasobra kier pa pueblo tambe participa mas den esaki, cual ta Baby Lunah. Pa tres siman caba, ki premio cu bo gana den bingo Club Caiquetio, bo ta haya e CD di Baby Lunah cun’e. Sea pa aporta mas cu ta posibel na Baby Lunah. Esey ta esun cu ta bezig cun’e actualmente. Baby Lunah lo bay keda core algun siman mas.
