Analisando e 12 listanan di e partidonan cu a bay eleccion 2021, mester bisa cu sigur tabata tin sorpresa. E unico candidato cu no ta aparece den top 5 di su respectivo lista, pero cu a saca su mes ta Oslin (Benny) Sevinger.
CANDIDATO TA SACA SU MES
Pa un candidato haya luga den parlamento, e ‘hoofdstembureau’ t’esun cu ta dicidi esey. Esaki ta bin a base di e supuesto lista di kiesdeler. Un biaha mas tin un formula p’esey, cual ta bin di e cantidad di persona cu a vota y cantidad di asiento cu e partido a haya. Ta dividi e cifra y na momento cu a haya sa cuanto e candidato mester, ta cuminsa mira si algun a saca su mes. Depende di e cantidad di asiento, ta bay mira cuanto a saca nan mes y si no tin mas ta bay segun e lista, esta e ‘voorkeurstemmen’. P’e candidato saca su mes, e tin di haya 50% di e kiesdeler.
Aki na Aruba hende tin escogencia di sea ta vota of no. En caso cu tin menos hende a vota, e ta baha e cantidad di voto valido c’un partido ta haya pa un asiento. Pa locual ta e votonan invalido y esunnan cu no a uza nan derecho di voto, esakinan no ta bay pa ningun partido.
Den e caso aki, pa partido AVP, e unico candidato cu a saca su mes, a base di e kiesdelerlijst, ta Benny Sevinger, cu a saca 1.614.
Pa un candidato saca su mes, e mester logra 1.394 voto (50% di e kiesdeler).
