E parti defensa di caso Avestruz tabatin su siman cu nan a hiba nan pleidooi durante e siman aki y diabierna a toca turno na Benny Sevinger.
E ex-minister y parlamentario a splica cu ta un caminda di cruz di cuater pa cinco aña den e cos aki y sigur e no lo caba aki.
Si en caso cu nan cana, Ministerio Publico lo apela y si nan Ministerio Publico gana, nan mes lo apela, el a indica.
E parlamentario a indica cu ainda tin un proceso mas largo pa bay. Pero en todo caso a yega na un punto unda cu un hues ta bay tuma un decision y a base di e decision ey, lo sigui cana. En todo caso, hues lo bay duna su punto.
Si evalua e siman, unda cu Sevinger a bay tur, na final esun cu a pidi pa cinco aña cera y dies aña den politica t’e.
E ta cla cu e tabata e target y esey ta loke cu el a purba di splica hues diabierna.
