Dialuna anochi polis a presenta na un cas na Sero Blanco pa un molester di musica duro. E habitantenan di e area tabata casi no por a drumi debi na batiment’i musica formal. No a keda nan nada otro pa yama polis pa nan propio bisiña. Na yegada di e prome unidad di polis, cos no a bay dje facil ey. Ningun hende tabata respeta polis.
A hasta bisa via microfon cu: “aki niun hende ta baha volume pa polis.” Polis a cende nan e zwaailicht di e patruya p’asina ilustra cu; aki no tin wega. E grup’i persona no a ria y a keda bati nan muziek asina mes. E patruya na sitio a nota cu e grupo ta basta grandi y tin tur indicacion cu e hendenan no lo sigui nan ordo, a pidi refuerso mesora.
Na momento cu mas patruya a yega na sitio, diripiente e musica a baha, e grupo a nota cu di berdad e polisnan no ta haciendo wega. Na final a yega na comprension cu e grupo, polis na nan turno a duna nan un multa tambe.
