Den Mateo 6:33 ta para skirbi : Ma busca prome e reino di Dios y Su Husticia y tur e cosnan aki lo wordo añadi na boso.
*Pone Dios na prome luga den nos bida, no ta un practica religioso, pero un strategia pa exito.
*Efesionan 5:21-33 ta siña tur hende con Dios tin cu wordo pone na prome lugar den tur matrimonio.
*1 Pedro 5:5-11 ta hala atencion di tur hoben dicon nan mester pone Dios na prome lugar den nan bida.
*Josue 24:15 ta siña nos cu tur hogar y tur famia mester sirbi nos Dios Todopoderoso.
No tin ningun formula humano cu por compara cu e sabiduria di Dios, corda bon cu riba locual tin para skirbi den Daniel 4:26 cu ta cielo ta goberna y Dios mester wordo reconoce.
Den tur bo camindanan reconoc’E y E lo dirigi bo berehanan.(Proverbionan 3:6).
Asina lo bo haña gracia y aprobacion den bista di Dios y hende( Proverbionan 3:4).
Politiconan ta core campaña pa haya aprecio di hende, y cosnan ta wordo priminti, y hopi biaha pa mil y un motibo promesanan no ta wordo cumpli, y nan ta wordo considera como mentira,esey ta algo cu ta pasa rond mundo pasobra hende ta keda hende.
Pero ora ta trata di nos Dios Todopoderoso, ta completamente un otro capitulo di bida, pasobra Dios tur locual e priminti e ta cumpli, ta nos mester busca Su boluntad ( Romanonan 12:2) y permanece completamente den Su boluntad , pasobra no ta existi bida temporal den Cristo Hesus.
Si nos resa pidi Dios pa awasero yobe, nos tin cu prepara pa cana den lodo, pasobra e ta yobe sigur, pasobra ta Dios nos a pidi ( 1 Samuel 1:20).
Si nos ta pasa den momentonan duro cu nos no por wanta mas e a duna nos un recurso na su gracia y no un formula ( 2 Corintionan 7:14).
Pasobra wowo di Señor ta move bay bin door di henter tera,pa E sostene fuertemente esnan cu nan curason ta completamente di dj’E.( 2 Cronicas 16:9).
Y tur loke boso haci cu palabra of cu hecho, haci tur den nomber den nomber di Señor Hesus, dunando gradicimento door di dj’E na Dios e Tata.( Colosensenan 3:17).
Encomenda bo obranan na Señor y bo plannan lo wordo stablesi ( Proverbionan 16:3).
Cada hende cu ta orguyoso di curason ta un abominacion pa Señor , siguramente e lo no keda sin castigo.( Proverbionan 16:5).
Asina Señor ta bisa: Lo Mi instrui bo y siña bo e caminda cu bo tin cu cana, lo Mi consehabo mi wowo ta riba bo.( Salmo 32:8). Ora nos pone Dios na prome luga E ta dirigi nos bida.
No tene miedo, pasobra Mi ta cu bo,no desmaya,pasobra mi ta bo Dios,Lo Mi fortalece bo , si Lo Mi yudabo si, Lo Mi sostenebo cu Mi man drechi di husticia.( Isaias 41:10).
E angel di Señor ta campa rond di esunnan cu ta tem’E y ta rescata nan. ( Salmo 34:8).
Gran proteccion di Dios ta spera tur esunnan cu ta pone Dios na prome luga.( Isaias 37:14-20).
Pa tur esnan cu ta spera den Señor y sa cu Su binida ta pronto, ta tempo pa faha nos mes den Señor y reconoce Señor den tur cos den nos bida, pasobra Señor ta nos baranca eterno y nos unico speransa.
Pa esunnan cu te ainda ta duda e palabra di Dios ta bisa: Esun cu kere den e Yiu tin bida eterno, ma esun cu no obedece…..( Juan 3:36).
Skirbi pa Pastoor Marcel Balootje.
