E team di Rotaract Club of Aruba ta den ful swing cu e coleccion y finalisacion di e proyecto anual di ‘Back To School project’ 2021. E proyecto aki tin como meta pa yuda nos muchanan bishitando scolnan basico na diferente districto rond di Aruba cu materialnan di scol pa asina habri un aña escolar cu confiansa.
Pa 29 aña caba Rotaract Club of Aruba su miembro y boluntarionan ta uni hunto cu famia y maestronan bou di e proyecto ‘Back To School’. E aña aki e meta ta pa facilita 150 mucha di 4e, 5e, y 6e klas bayendo scol na diferente partinan di Aruba cu articulonan di scol – entre otro uniform, potlood, pen, schrift, tas y mucho mas.
Claro, e proyecto aki no por (a) realisa sin e ayudo di nos comunidad. P’esey, ta invita pueblo completo un biaha mas pa pasa na DYON CENTER e diasabra aki 31 di juli 2021 pa yuda colecta articulo pa nos muchanan por tin otro aña escolar exitoso un biaha mas.
Rotaract Club of Aruba ta gradici Aruba pa e cooperacion pa haci e proyecto aki un realidad. Na tur studiante, Rotaract Club of Aruba kier desea un feliz vakantie y exito pa e aña escolar nobo.
