E bida di awendia ta uno hopi acelera. Tempo practicamente no ta yega pa nada mas. Biblioteca Nacional na San Nicolas ta tene cuenta cu esaki y p’esey mes nan a bin c’un cambio di orario cu lo faborece un y tur, specialmente esunnan cu ta traha den dia.
CAMBIO DI ORARIO
Entrante prome di mei 2023 tin un cambio riba orario di biblioteca na San Nicolas. Entrante e fecha aki, Biblioteca San Nicolas lo ta habri dialuna, diaranson y diabierna di 8:00am pa 5:00pm. Diamars y diahuebs Biblioteca San Nicolas ta cera mainta y habri di 1:00pm te cu 7:00pm.
Gerente di Biblioteca Nacional Aruba ta spera cu por ofrece mas hende cu ta traha den dia oportunidad pa bishita biblioteca despues di trabou, riba diamars y diahuebs.
Orario nobo di Biblioteca Nacional San Nicolas
Dialuna 8:00am – 5:00pm
Diamars 1:00pm – 7:00pm
Diaranson 8:00am – 5:00pm
Diahuebs 1:00pm – 7:00pm
Diabierna 8:00am – 5:00pm
Di e manera aki, Biblioteca Nacional San Nicolas ta spera di por contribui na mas hende bishita biblioteca y scoge un bon buki pa asina lesa den tur trankilidad di nan cas. Lesa ta dushi.