Awe Aruba y mundo henter ta conmemora Dia Mundial Maritimo 2023. Nacionnan Uni a traves di IMO (International Maritime Organization) a inicia Dia Mundial Maritimo pa pone enfasis riba e contribucion internacional di e industria maritimo n’e economia global, specificamente den sector logistico y nabegacion.
Tur aña ta celebra Dia Mundial Maritimo bou di diferente tema. E tema di e aña aki ta“ MARPOL ta cumpli 50 aña: Nos compromiso ta continua”. E tema di e aña aki ta un refleho riba e historia largo di e organisacion di IMO pa entre otro nos proteha e medio ambiente despues di e impacto di transporte maritimo p’asina regula e trabounan solido y pa enfatisa su compromiso continuo cu e trabou importante aki.
Staff y personal di Directie Scheepvaart Aruba (DSA) ta felicita e sector Maritimo di Aruba y mundo henter riba “Dia Mundial Maritimo”.
