Pa di 11 aña consecutivo, Leo Vrolijk ta organisa e exposicion “E lens di mi wowo” patrocina pa RBC Bank. E apertura oficial ta tuma luga pa 7:30pm na Biblioteca Nacional situa den George Madurostraat na Oranjestad. Un total di 26 fotografo a participa cu 203 potret y 21 video.
Esaki ta e prome biaha cu ta amplia e exposicion cu video tambe. Den pasado e exposicion tabata solamente di potret. Pero desaroyo mundial den mundo di media ta haci cu awendia video ta birando mas popular.
Den e exposicion aki ta mira e miho potretnan di fotografonan local, specialmente di nos medionan di comunicacion. 24ora.com tambe a participa cu varios potret, pa cual nos ta invita henter comunidad pa pasa bishita e exposicion desde awe nochi.
