Dialuna mainta un situacion hopi desagradabel a presenta den e zona turistico. Autonan ta pasa y keda cu un holo hopi malo. Un situacion ademas hopi peligroso pa salud.
Awa di riool cu tabata sali na cantidad pabou di caminda y tabata crusa bin pariba di caminda. Plas grandi di awa. E tabata entre rotonde di Wendy’s cu Palm Beach Plaza. Miles di turista ta pasa riba e caminda, taxistanan y autonan cu local. Ta ora nan yega nan destino final lo mira con malo nan auto ta hole pasobra a pasa den e awa sushi.
Den henter e area tin un problema serio cu e sistema di riolering pa basta tempo caba. Algo cu mester atencion urgente. Spera nan haci algo rapido pa e situacion cu a presenta dialuna mainta trempan.
Ta hopi denuncia 24ora a bin ta ricibi di awa sushi cu ta core riba caya, principalmente den y rond di centro y banda di area hotelero.
