Fraccion di AVP a mira e cifranan di WEB con nan tabatin un reserva riba 150 miyon y awo ta riba 30 miyon. Esey kiermen WEB a perde 120 miyon florin den e ultimo seis lunanan. Esaki ta bin pa motibo di no a hedge y no a haci ahuste di prijsnan.
mr. Mike Eman, lider di fraccion di AVP, a indica cu esey a causa un perdida grandi. Awo ta riba mesa kendenan ta responsabel pa esaki ya cu ta papiando di un perdida di 120 miyon florin. A puntra e directornan si nan a busca conseho huridico di kendenan por ta responsabel n’e momentonan aki, p’e tipo di perdidanan aki. Tin regla di bestuur aansprakelijkheid y AVP conoce esey, ni kico accionista bisa pero bou di condicion hopi cla unda ta cana un caminda cu willens en wetens, di cual por mira cu ta perdiendo dies o binti miyon.
No tin ningun perspectiva cu esaki ta cambia dentro di corto. E ora ey loke ta pasando aden ta momento cu ta haciendo perdida conscientemente den un forma hopi iresponsabel.
mr. Gerlien Croes, parlamentario di AVP, a expresa cu no ta ningun sorpresa pa nan di un otro engaño riba loke minister presidente a bisa di no sa. E ta accionista, tabatin reunion cu ne, a inform’e, no a hedge na december y esaki ta e realidad. WEB ta den un perdida di miyones y pueblo ta bay paga atrobe. Tambe e noticia ta cu coriente lo subi y no solamente awa.
Croes a indica di no sa unda mas gobierno aki ta pensa cu pueblo tin placa pa saca. E realidad ta cu nan ta bende di bay duna e ambtenaarnan 5%. E parlamentario ta kere cu ta duna e 5 pa bay paga awa cu coriente. Den forma cu WEB ta aden, e no por bay paga dividendo na gobierno di Aruba, manera a AVP a pronostica. Ta miyones di perdida WEB tin.
Pa mas lesa TREMPAN.COM.
