For di tempran tabata tin un entrada hudicial cu ta di un investigacion andando. Conclusion di esaki ta cu enberdad un x cantida di droga a wordo confisca. Un persona a keda deteni pa Atraco Team.
E persona Venezolano deteni pa Atraco Team, ta den cuadro cu probablemente atraco riba Gold Palace. Tin un cantidad basta grandi di persona den e cas, pero tur a pidi asilo politico cu ta den tramite. Ta conclusion di e entrada hudicial den Boliviastraat.
Pa loke ta cooperacion, si mira bon, diferente team a actua den esaki. Tin biketeam di Oranjestad cu a yuda cera full e vecindario, pa Atraco team haci su trabao manera mester ta. Tin rapid response Team cu tambe a bin pa reforsa Atraco Team pa bay over na detencion cu probablemente e atracadornan cu lo a uza arma den e atraco riba Gold Palace, pues nan ta peligroso.
Dos ilegal en total, un persona cu tabata busca en conexion cu e atraco cometi y un X cantidad di droga.
Lacle a sigui splica cu e parti bon di un investigacion pena ta cu mester haya suficiente prueba contra e persona. Por ta den un inval anterior, no tabata tin suficiente prueba contra dje.
Kico Atraco Team ta bay haci, ta bay traha pa acumula suficiente prueba pa Ministerio Publico duna e permiso pa bay over na detene e persona y diadomingo, e persona a keda deteni.
Te asina leu, si mira bon pa loke ta e aña aki tabata tin seis atraco y tres atraco resolvi. No ta descarta e posibilidad cu lo bay resolve mas di e atraconan cu a sosode den januari y december, pero investigacionnan ta andando.
Tin dos persona deteni den e caso aki caba. Pero un biaha mas no por descarta cu lo bay tin mas detencion cu lo tuma luga den e caso aki. E investigacion mester mustra esey.
Polis ta haciendo su trabao pa resolve e caso. Pero tambe pueblo ta coopera door di yama tiplijn y duna informacion na polis pa por cuminsa cu un investigacion penal y yega na detene e personanan aki.
Ora yega na detene, ta conclusion di e investigacion penal cu a haya suficiente di Ministerio Publico pa bay over na detene e persona aki. Loke ta purba di demotiva personanan cu tin algo den nan cabes pa comete atraco, Atraco Team su porcentahe di resolvemento di caso ta bastante halto. Esey ta nifica miho no haci esaki.
