Riba caminda grandi di Tanki Leendert polis a tuma nota di un vehiculo cu tabata acercando pero no tabata tin lus cendi. A dun’e ordo pa para y asina controla si tur rekisito ta na ordo.
Mesora polis a tuma nota cu e persona aki tabata bou influencia y a deten’e na sitio. Esaki a sosode algun minuut prime cu TDQ (10:40PM) den cercania di Cas Casuela na Tanki Leedneert.
Ta bon pa comunidad tene na cuenta cu tin un team special activo, ademas di e polisnan regular, riba caya cu control rond nos isla. Medidanan cu Crisis Team a implementa ta na vigor y como tal nan tey pa sigura cu ta cumpli cu nan.
A transporta e persona aki pa warda y a hala e vehiculo for di caminda.
