Diabierna anochi alrededor di 8:00 pm a sosode un accidente cu herido n’e t-kruising net dilanti di 88 Food Mart na Sta Cruz. E accidente ta entre un SUV color preto marca Chevrolet y un brommer. Aunke cu e polis di trafico ta bezig cu investigacion ya testigo a conta nan version.
Segun testigo na sitio; e brommer tabata biniendo for di noord direccion seit y e auto a lora su dilanti pa bay na su man robes, pa bay direccion Sabana Grandi. E motociclista e resulta herida, e tabata keha di basta dolor na su curpa. Ta suficiente motibo pa ambulance presenta na sitio. Pa atencion medico mucho mas avansa, a transporta e victima pa hospital. Daño material tabata considerabel.
