Diasabra atardi pa 4:30 pm a activa brandweer pa un auto cu a pega na candela riba L.G. Smith Boulevard. E auto marca Toyota, modelo Tercel, color berda, numera A-25159, tabata staciona dilanti “Birkenstock” y di un rato pa otro a pega na candela.
Brandweer a yega mesora na e sitio, pero ora e bomberonan a baha, a nota cu ya caba e auto no tabata na candela mas. Algun persona eybanda mes a logra paga e candela. Ta sospecha cu e candela lo a start den e motor di auto.
Asina mes bomberonan a haci un control rapido pa confirma cu enberdad no tin peliger mas pa e candela cuminsa di nobo.
E doño di auto a keda di regla cu seguro pa mira kico lo por cubri. Claro cu e candela a causa basta daño na e auto, tanto na e motor como paden di e auto tambe.
